सूर्यास्त

 

नीलडाम

कसरी भ्रम हुन्छ र आमा!

कविता

Saved from Pinterest

कसरी भ्रम हुन्छ र आमा! 

मर्ने 

हजारौं बाटाहरूलाई उछिन्दै

सिङ्गो बाटोभरी जन्म उभिन्छ।

त्यो जन्मलाई उभ्याउने तिमी हुन्छौ।

सत्य जन्म हो।

सत्य मृत्यु हो।

अझै धेरै सत्य तिमी हौ।

खै, कसरी पो भन्न सक्छु- 

जीवन मिथ्या हो।

अझै,

तिमीले दिएको जीवन 

कसरी भ्रम हुन्छ र आमा!

भैंसीलाई 

कुँडो तताउने निहुँमा 

ठूलो मुढो अगेनालाई निलाएर,

त्यो पुषको तुसारो 

एक भित्ताको अनुहार

एक आम्खोरा पानी

त्यही अगेनाबाट सारेर दिँदा 

कति जोर आँखा छल्नुपर्थ्यो होला।

जिन्दगी

 #मुक्तक

#जिन्दगी

एक फोक्सो सासले धानेको छ जिन्दगी,

अन्तिम त्यान्द्रो आसले तानेको छ जिन्दगी, 

दुःखमा 'दु' र 'ख' पनि छुट्टै बस्ने रैछन्... 

सुखमा त समासले बानेको छ जिन्दगी।।